🌱"યુવાન"🌱

 અધ્યાય એક આથમી ગયો,

ને બીજો થયો શરૂ.

તન કસાયું, મન ઘસાયું,

પરસેવે કર્યું સ્નાન.

તોય હું યુવાન છું.

બાંધ્યા મનમાં માળો,

ને સમાજ સાચવી જાણ્યો,

વ્હેવારે પાડ્યો વટ,

એવી નોકરી, તને મુબારક.

હું યુવાન છું.

શીખતો શિક્ષક છું હું,

જીવનપર્યંત શીખીશ.

નિવૃત્તિ બસ પડાવ છે,

સમય સમયની વાત.

હજી હું યુવાન છું.

શરીર થયું છે ભારે,

ને આંખો ટોણો મારે.

"ભજ હરી નામ,

પ્રકાશ,હવે થા સાવધાન!"

હું યુવાન છું.

નામ હરિનું ભજતાં,

મળ્યો મનેખ અવતાર,

તન કસિશ, મન ઘસીશ,

ઉતારીશ ભવનું ઋણ.

હજુ હું યુવાન છું.

શિક્ષણને સમજમાં લાવીશ,

સમજે અબાલવૃદ્ધ.

મૃત્યુપર્યંત પ્રવૃત્ત રહીશ,

સમજી ભવનો બોજ.

હજુ તો હું યુવાન છું.

#દહેગામ કૉલેજમાંથી નિવૃત્ત થયેલ મિશ્રા સર માટે.

લી. ચંદ્રસિંહ જી પરમાર

#બાપૂ_ઉવાચ